ઝિબ્રા દ. આફ્રિકાનું પ્રાણી છે પરંતુ હવે તે વિશ્વના ઘણા બધા પ્રદેશોમાં જોવા મળે છે.

* ઝિબ્રા ૪૦ માઈલ પ્રતિ કલાકની ઝડપે દોડી શકે છે.

* કોઈ પણ ઝિબ્રા ક્યારેય એક સરખી પટ્ટીઓ નથી ધરાવતા.

* ઝિબ્રા ૪થી ૫ ફૂટની ઊંચાઈ ધરાવે છે.

* ઝિબ્રા હંમેશાં ટોળામાં રહેવાનું પસંદ કરે છે.

* ઝિબ્રા તેમના લડાયક સ્વભાવ માટે જાણીતા છે. જો તેઓ સમૂહમાં હોય અને કોઈ પ્રાણી તેમના પર હુમલો કરે તો તેઓ ભાગી નથી જતાં પણ એ પ્રાણીનો સામનો કરે છે.

* તેમનું આયુષ્ય ૪૦ વર્ષની આસપાસ હોય છે.

* ઝિબ્રાના શરીર પર જોવા મળતી આડી, ઊભી અને વી આકારની લાઈનો પરથી તે કઈ જાતિના ઝિબ્રા છે તે જાણી શકાય છે.

* ઝિબ્રાની સાંભળવાની અને જોવાની શક્તિ અદ્ભુત હોય છે. તેઓ દૂરથી કોઈ પ્રાણીનાં પગલાંના અવાજને ઓળખી શકે છે.

* ઝિબ્રા ઘાસનો ચારો ચરે છે.

* ઝિબ્રા ત્રણ પ્રકારની જાતિઓમાં વહેંચાયેલા છે. પ્લેન ઝિબ્રા, માઉન્ટેન ઝિબ્રા અને ગ્રેવીસ ઝિબ્રા.

* પ્લેન ઝિબ્રાને કોમન ઝિબ્રા તરીકે ઓળખવામાં આવે છે, કારણ કે તે વિશ્વના મોટાભાગના દેશોમાં જોવા મળે છે.

* ગ્રેવીસ ઝિબ્રાને ઝિબ્રાની ત્રણેય જાતિઓમાં સૌથી જૂના માનવામાં આવે છે. આ ઝિબ્રા સૌથી મોટાં છે. તેમ છતાં અન્ય બે પ્રકારના ઝિબ્રાની સરખામણીમાં તેને સૌથી ઓછું પાણી પીવા જોઈએ છે.